أمهاتنا نعمة من ربنا، نحافظ عليها قبل ما تضيع مننا

• سنا البرق
• 05/07/2019
• 1701
• 4,630

طبطبو على أمهاتكم، متخليهمش يبكوا

لازم تكونوا حاسين بيهم انتومتعرفوش هم مستحملين ايه عشانكوا، وازاى مستحملينه 

حسوا بيهم وادعو ربنا يباركلهم فى عمرهم ويخلي اوجاعهم تروح خالص ويرجعوا معافين شباب

حسوا بيهم وادعوا ربنا يغير كل حد في حياتهم بيأذيهم او بيتعبهم عشان يعوضهم عن كل اللى فات

حسوا بيهم وقولو ربنا يصبرهم 

حاطين فى بالهم كل واحد فيكوا بهمومه

والواحد فيكوا همومه كتيرة عليه وأمه شايلاها مرفوعة لأس تلاتة وأكتر

حسوا بيهم وخليكوا عارفين ومقدرين كل حاجة بيعملوها ولازم تتضايقوا من نفسكم اما بيبقى فى ايديكم تساعدوهم فى حاجة وبتتأخروا او بتكسلوا لاى سبب

حسوا بيهم واتمنوا تكونو زيهم فى تحملهم وصبرهم 

هم فعلا مثلنا الاعلى.ونفسنا زى ما هم اكيد نفسهم اننا نبقى احسن كمان منهم "مش انقاص من قدرهم" بس تبقى ظروفنا احسن فتساعدنا نكون احسن.

حسوا بيهم، انتومتعرفوش ازاى عايشين بلا مصدر يمدهم بالحنان قصاد الحنان اللي بيعطوه 

حسوا بيهم لاننا منعرفش ازاى مكملين 

حسوا بيهم وادعوا ربنا يقويهم للى أحسن من كدة

حسوا بيهم وادعوا ربنا يكافئهم فينا

نفرحهم ويشوفونا اما نوصل لاعلى مكانة ويفرحوا بينا متجوزين ناس صالحين ومعانا ذرية صالحة كبيرة ترفع شأن الامة المسلمة

حسوا بيهم وحاولو تفرحوهم فى كل حاجة

حسوا بيهم وخلوا احساسكم بيهم يخليكوا تتقنوا ازاى تكونوا ازواج صالحين

حسوا بيهم ووروهم ان تربيتهم اثمرت

وحسوا بيهم وادعوا ربنا يكرمهم ويباركلكم فيهم لانكوا من غيرهم تخافوا تقعوا او متعرفوش تعيشوا

حسوا بيهم واحمدوا ربناعليهم فى كل وقت

حسوا بيهم وخلوهم يحسوا انكم حاسين بيهم 

حسوا بيهم واستسمحوهم يسامحوكم على اى حاجة بتضايقهم منكوا، لان اكيد اما بنضعف بنبقى وحشين معاهم قوى

 اكيد نفسنا نعمل حاجات كتير بس تقريبا مبنعملش الا حاجتين تلاتة متجيش ثمن اللى بنبقى عايزين نعمله فعلا

حسوا بيهم وأملوا يفهموكم ويحسوا قد ايه انتوا بتتأثروا بيهم 

حسوا بيهم واعرفوا انهم حاسين بينا في اللي بنقوله لهم وعارفينه عننا 

حسوا بيهم ومتبرروش لنفسكم حاجة. حسوا بيهم وخلو همكم تفرحوهم فى كل حاجة

والكلام مبيخلصش.بس المهم انى وصلت الملخص

حسوا بيهم...عشان ولادكم يحسوا بيكم