ارشادات هامة لكل معلمين الدروس الاونلاين

فيه تنبيهات مهمة لضمان جودة الحصص الاونلاين ثابت مع اختلاف نوع المادة الدراسية(رياضيات - علوم - قرآن - ... إلخ)، فهنتكلم عن تنبيهات مهمة داخل الحصة نفسها،.

 لانها هي اللي لما نطبقها هتساعدنا نسيب انطباع اول حلو عند الطلبة والشركة وده اهم حاجة للموظف اكيد في شغله، عشان دي الفكرة اللي هتثبت في دماغ العميل والشركة كمان عننا ان شاء الله.

مينفعش نكتب على الكيبورد خلال الدرس  

 لإن الطالب هيسمع صوت الكتابة وهيضايق، فالحل

نكتب في كشكول او اجندة ونسجل البيانات في الشيت عالكمبيوتر بعد الحصة مباشرة،

فتح الكاميرا مهم جدا، طبعا تكون مجرب الكاميرا كويس انها جايبة حيز كويس مبين البروفايل بتاعك يعني الكادر اللي بيتاخد في صور 4×6 كدة عشان يبقا اي تعليمات بتقولها للطالب واضحة،

بس مش اكتر من الحيز ده عشان ميتشتتش باللي حواليك.

لازم تكوني مأكدة عالشركة طبعا لو كنتي منقبة عشان يعرّفو الطلبة ميكونش فيه رجال او اطفال بالغين، ولو حسيتي ان الجو المحيط مش آمن يعني مثلا الطفل فيه حركة حواليه،... عندك الحق انك تقفلي الكاميرا وقتها عادي.

الحصة الاولى...

الحصة الاولى: هي أهم حصة، لازم يكون فيها فتح حوار وكسر حواجز بينك وبين الطالب، يعني تفتتحي الحصة بالسلام عليكم... وابتسامة.. وتعرفي بنفسك،... اسمي فلانة،... وتسالي مثلا بتروح مدرسة ولا

home schooled

وتحب تدرس ايه؟.

لما نحس انه زهق، نعمل فاصل بالعاب مثلا والتحفيز والثناء عليه.

ممكن نلعب بال ايموجيز او العاب ترفيهية تعليمية، قصص مصورة فيديوهات او صور، فيه ملفات قصص  قصيرة مجمعة.

ممكن صور لعب اختلافات، او صور لحاجات مثلا الطفل متعلق بيها زي هواية او اكل مفضل نبعته او نوريهوله كأنه جايزة ليه بعض الحصة.

الواجب لما اديهوله يستحب اقوله في الحصة وابعته كرسالة بعد الحصة زيادة تأكيد عشان يتابعو معاه في البيت وعشان ميتحججش انه نسي.

طبعا وقت الحصة تليفون المعلم يكون صامت أفضل او عالاقل صوت منخفض عشان ميشوشرش عالحصة.

لو اتبعتت لي رسايل مهمة  اثناء الحصة، زي مثلا تغيير موعد لطالب او سؤال عن حاجة مستعجلة، استئذن الطالب اني ارد عليه بسرعة رد مختصر عشان وقت الحصة، وبعد الحصة ابقا اوضح وافسر اكتر.

و كذلك لو شيء ضروري طرأ وقت الحصة برده استئذن الطالب، حاجة في البيت مينفعش تستنى وهتاخد دقيقة بس، مثلا:... عايزة اخش الحمام فجأة،.. معاد دوا،... شرقت عايزة اشرب،

يعني من باب احترام الحصة وتعليم الطالب ازاي يحترم الحصة وان زيها زي الحصص العادية في مدرسة او بيت، وطبعا اكيد نحاول نكون مخلصين الحاجات دي قبل الحصص عشان متتكررش كتير.

نركز ونفهم من العميل مواعيد الحصص اللي نتفق عليها لو الطالب في بلدتانية وفيه اختلاف توقيت فهل  بتكون بتوقيتنا احنا ولا بتوقيت الطالب، وحتى لو بتوقيتنا ممكن يختلف مثلا تسمية اليوم لو حصة بعد الظهر، فيه ناس بتتكلم بال م وص وان م بعد 12 الظهر

بمعنى ان مثلا: يوم الاثنين العصر 3:30 م 

لو حصل اي ظرف ومضطر تلغي الحصة او تاجلها، لازم يكون معاك وسائل تواصل متعددة ومضمونة مع العميل

زي نمرة شخص

مثلا تتواصل معه للطواريء لو انقطع كهربا وبالتالي نت عشان الواي فاي فتقدر تراسلهم ايميل او رسايل عادية او تتصل بيهم هاتفيا.


فيه سطمبات لبداية ونهاية الحصص؟؟

فيه طلبة بيتطلَّب منك تحفظيهم وتذاكرلهم في الحصة،  وفيه بيفهم بس معاك في الحصة وهو بيحفظ ويذاكر في البيت مع نفسه، ع حسب طلب ولي الامر ومستوى الطالب كمان وعمره.

نيجي بقا لو عندنا طلبة اخوات او في نفس البيت بياخدو مع بعض سواء في نفس الوقت او كل واحد ليه وقت لوحده،

ممدحش في واحد واذم في التاني. ممكن اعمل اه عادي روح تنافس "هدية" مثلا مكافئة بيحبها زي ما قولنا صورة، قصة او لعبة او برده فيه

نقاط كدة على السلوكيات الحلوة

ف اللي متعملش معاه من الاخين وارد ياخد باله فيتشجع عشان يتعمل معاه زيه، لكن مخليش فيه زعل او حقد بينهم بتفضيل حد بلفظ صريح عن التاني.


اخر حاجة ممكن نقولها: في تطبيق اسمه

Class Dojo

بيشجع الطلبة انهم يجمعو نقاط وبيبقا متصنف كمان عشان يوضح للطفل هو متميز في ايه بالظبط وايه اللي محتاج يتحسن عنده. 

و بالتوفيق للجميع وربنا يرزق كل مجتهد.




  • Share

    • 216
    • 1,425