علشان تحقق أحسن نتيجة: 10 نصائح للثانوية العامة هاتساعدك تحقق أهدافك

الثانوية العامة مرحلة خطرة جدا، تجمع بين سن المراهقة وجدية في الدراسة وتحديد مصير، البعض ينصحون بالصرامة مع الأبناء في هذه المرحلة والآخرون يفضلون إعطائهم البراح والحرية في الاختيار للمدرسين والدروس، وآخرون يرخوا الحبل تارة ويشدوه تارة أخرى على مدار المدة. وبما إن الدروس أصبح أمر واقع مسلم بيه وأساسي، فأعتقد لا مانع من التحدث عنها قليلا.

و هنا لدينا نصائح مختصرة لنقاط يجب أن يفهمها أبناؤنا قبل الدخول على المرحلة دي:

أولا: انتشرت مؤخرا وجود السنتر بدلا من الدروس في بيوت المدرسين، فهو سلاح ذو حدين كأي أمر في الحياة، ولها مزايا وعيوب،مزاياها تتمحور فيه إتاحة فرصة للطلبة انهم يتلقو العلم بشكل نظامي وقائم عليه منظمين كتير بحيث الافادة تعم، وأيضا وجود معلمين ليسو بالأساس من خريجي كليات تربية وتدريس، بل خريجي كليات علمية أيضا فبيكون عندهم معلومات زيادة بتساعد الطلبة في فهم المنهج بشكل أوضح أحيانا.

لكن هذا لا يمنع أن لا يوجد لديهم عيوب، فالعيب المحتمل بهم أن أولا مفيش تعويض للدروس لأن نظام السنتر يشبه المدرسة، وأيضا إن أحيانا المعلومات الزيادة بتلخبط مش بتفهّم. فنصيحة: ان لو أمكن تاخد في سنتر مع درس مع مدرس مدرسة عادي برة يديك المعلومات المدرسية فقط ويكون خبرة في امتحانات المدارس ونظام الامتحانات أكتر، أو بدون درس ولكن تكون متابع مع صحابك ايه اللي بياخدوه وتعرف تستفيد باللي يفيدك وتسيب اللي ممكن يلخبطك.

ثانيا: خليك دايما على علم بالمدرسين التانيين بيعملو ايه مع طلابهم، بحيث تستفيد من كله، مراجعة أوملزمة، أو أيورق تدريبات.تبقى عندك فكرة ولامم كله، هتفيدك أكيد فمتقولش مش هعمل بيها حاجة، في يوم هتحتاجها.

ثالثا: الثانوية حل أكثر من مذاكرة. دي معلومة أكيدة مجربة ونصيحة صريحة من المدرسين.

رابعا: ركز بشكل جيد في الساعتين بتوع الدرس، عشان متحتاجش تاخد وقت في المذاكرة وتحل أكتر ومتستصعبش الواجب.

خامسا: إياك والغياب إلا في الطواريء أوالضرورات القصوى الحرجة، حتى وإن كنت مش جاهز، روح واتهزق بس متغيبش، وربنا بيعديها على خير.

سادسا: متغيبش خالص لغاية ما المناهج تنتهي، حاول، وإن حبيت تغيب، يكون أفضل بعد المناهج ما تخلص، عشان في الأول هيبقى الوقت قدامك كبير، بدل أن تضيعه، قضيه دروس، وفي الآخر هتحتاج تقعد تذاكر وتلم، يبقا تغيب وانت فاهم المنهج كله تمام، أحسن ما تغيب في الآخر عشان تلم وتذاكر وتبقا فيه حاجات واقعة منك من البداية.

سابعا: إياك وتضييع المراجعات النهائية، لأنها حتى وإن لم تفدك أو تضف لك جديد، بتطمنك.

ثامنا: استخير واستشير الأكبر منك وناجح دايما.في كل حاجة.

تاسعا: متصدقش آراء الآخرين في المدرسين بسهولة دون تجربة، ليس لأنهم بيخدعوك، لكن كل واحد رأيه مختلف، ومحتمل أن لا يعجبه هو مدرس يكون لك ممتاز جدا.

عاشرا: السنين اللي مش شهادة او مش ضمن مجموعك لدخول الكلية خدها تجربة، تجربة مدرسينو طرق مذاكرة ونظام حياتك.

ملاحظات أخيرة:

1- احتسب دايما نية انك خارج لطلب العلم مهما كنت رايح الدرس وانت على مضض، لكن إن خدت النية هتلم جبال من الحسنات وربنا هيسهل عليك طريق للجنة.

2- خليك ناصح، النصاحة غير الذكاء، النصاحة خبرة وتعامل، احمي نفسك من الحسد بقراءة آيات الرقية والأدعية، لأن فعلا الموضوع مش بسيط، مجرد نشاطك وسعيك للنجاح ممكن تحسد عليه حتى لو مش أذكى أو أشطر طالب، متظهرش نشاطك أوي ولا تبقا نايم، مش لؤم، بس" داري على شمعتك تقيد".

3- متربطش نفسك بحد، ولا حتى أقرب أصدقائك، اعمل اللي فيه مصلحتك، وساعده يعمل اللي في مصلحته، حتى لو هتتفرقو في الدروس، المهم تستفادو، الاصحاب وان كانو شبه بعض في التفكير لكن في الدراسة فهمهم بيختلف عادي.

4- فكر دايما في اللي جاي، متندمش عاللي راح، عوَّض ومتضيعش وقت قبل وبعد الردس بدون فايدة، حتى لو نوم عشان تريح جسمك وتقدر تواصل.

5- ادعي كتير واثبت على طريق ربنا، استزيد متقلِّش، عالأقل اثيت عاللي انت عليه، متتحججش انك مشغول، اعتبر الذكر والقرآن مادة زيادة، واحفظ في اي مكان حتى لو صفحة في الاسبوع.

6 - وأخيرا حافظ على صحبة خير تعينك في الدراسة، حتى لو غير صحابك الأصليين، مبقولش تخسرهم، لكن لازم تحبو لبعض الخير في الدراسة حتى لو مش مع بعض، ولازم برده صحبة الدراسة الأخرى تكون على خُلُق، عشان مهم تفضل بنفس اخلاقك ومهم تحاول تنجح.

 


  • Share

    • 218
    • 1,027

    Submit your articles

    Submit your articles now to Orrec.